🛕 Navaneetha Krishnan Temple

"நவநீதம்' என்றால் "வெண்ணெய்' எனப்பொருள். தண்ணீரில் பால் கலந்தால் அதோடு ஐக்கியமாகி விடும். உயிர்களான நாமும், கடவுளால் அருளப்பட்ட இந்த பூமியை நமக்கு சொந்தமானது என உரிமை கொண்டாடிக் கொண்டிருக்கிறோம்.""ஏ மனிதனே! நீ தண்ணீரில் கலக்கும் பால் போல் அல்லாமல், அந்த பாலில் இருந்து பிறந்து அந்த பாலிலேயே கலக்க மறுக்கும் வெண்ணெயைப் போல், ஒட்டுமில்லாமல் உறவுமில்லாமல் இந்த பூமியில் வாழ்.பிருந்தாவனத்து கோபியர்கள் தங்கள் குடும்பத்தை மறந்து, எப்படி என்னை வந்தடைந்தார்களோ, அப்படியே வந்துசேர்,'' என்று உணர்த்தவே, அவன் பூமியில் அவதரித்தான்.வெண்ணெய் திருடினான். ஆம். உலகப்பற்று இல்லாமல், அவனையே எண்ணிக்கொண்டிருந்த மனிதர்களுக்கு அவன் மோட்சம் தந்தான். அவனை அடைய மறுத்து வெறுத்த கம்சன், சிசுபாலன், துரியோதனன், கர்ணன் போன்றவர்களை கட்டாயப்படுத்தி மோட்சத்திற்கு அனுப்பி "கருணாமூர்த்தி' என பெயர் பெற்றான்.இப்படிப்பட்ட பெருமை களைக் கொண்ட சின்னக்கண்ணனான நவநீதகிருஷ்ணன் மதுரை திருமலை நாயக்கர் மகால் அருகிலுள்ள பந்தடி 5ம் தெருவில் அருள்பாலிக்கிறான்.